Навучэнцы Міншчыны сталі пераможцамі алімпіяды школьнікаў Саюзнай дзяржавы

З 19 кастрычніка па 24 кастрычніка 2022 года ў Пяцігорску праходзіў заключны этап Алімпіяды школьнікаў Саюзнай дзяржавы "Расія і Беларусь: гістарычная і духоўная агульнасць".

У спаборніцтвах прынялі ўдзел школьнікі з 20 рэгіёнаў Расіі і Беларусі.

Фінал алімпіяды ўключаў у сябе два абавязковыя туры. У першым туры хлопцы пісалі сачыненне, у другім – выконвалі комплексную працу, адказваючы на пытанні па рускай мове і літаратуры. Акрамя таго, школьнікі маглі праявіць сябе ў творчых спаборніцтвах.

Віншуем навучэнцаў Міншчыны, якія сталі пераможцамі алімпіяды! Так, дыпломамі 2-й ступені ўзнагароджаны Гурская Ульяна, навучэнка 11-га класа ДУА "Лошніцкая гімназія Барысаўскага раёна", і Шыманская Ульяна, навучэнка 11-га класа ДУА "Гімназія № 1 г. Дзяржынска".

Дыпломам 3-й ступені ў творчым конкурсе рытарычнага майстэрства ўзнагароджана Шыманская Ульяна, навучэнка 11-га класа ДУА "Гімназія нумар 1 г. Дзяржынска".

Віншуем удзельнікаў каманды Мінскай вобласці

і іх педагогаў з годным выступам!

Крынiца: Мінскі аблвыканкам