З 12 па 15 чэрвеня 2020 года на дарогах Мінскай вобласці пройдзе прафілактычная акцыя "Цвярозы кіроўца"
З пачатку года на тэрыторыі Салігорскага раёна затрыманы 121 кіроўца ў стане алкагольнага ап'янення. 317 КК РБ (заўв. 1).
Адно з самых сур'ёзных парушэнняў Правілаў дарожнага руху - кіраванне транспартам у стане ап'янення. Па дадзеных статыстыкі на вулічна-дарожнай сеткі Мінскай вобласці 13% ДТЗ з пацярпелымі здзяйсняюцца па віне п'яных вадзіцеляў. Цяжар наступстваў такіх дарожна-транспартных здарэнняў значна вышэй па параўнанні з астатнімі аварыямі.
П'янства за рулём, нягледзячы на пастаянную барацьбу з ім, усё яшчэ застаецца грамадскай праблемай. Алкаголь для кіроўцаў з'яўляецца спадарожнай прычынай ДТЗ і стварае пагрозу для жыцця і здароўя ўсіх удзельнікаў дарожнага руху. У стане ап'янення ў чалавека парушаецца раўнавага рухальных функцый, запавольваецца хуткасць рэакцыі, пагаршаецца зрок і слых.
З мэтай актывізацыі работы па спыненні фактаў кіравання транспартам у стане алкагольнага ап'янення як адной з асноўных прычын ДТЗ з цяжкімі наступствамі ў перыяд з 12 па 15 чэрвеня 2020 года Дзяржаўтаінспекцыя Міншчыны праводзіць прафілактычную акцыю "Цвярозы кіроўца", якая накіравана на папярэджанне ДТЗ у стане ап'янення.
Нарады дарожна-патрульнай службы пяройдуць на ўзмоцнены варыянт нясення службы. Рэйдавыя мерапрыемствы пройдуць па ўсёй тэрыторыі вобласці, у рамках гэтай акцыі будзе ажыццёўлены кантроль за фізічным станам вадзіцеляў транспартных сродкаў. У дадзеных прафілактычных мерапрыемствах таксама прымуць удзел супрацоўнікі спецыяльнага падраздзялення "Страла" Дзяржаўтаінспекцыі МУС Рэспублікі Беларусь.
Дзяржаўтаінспекцыя Мінскай вобласці нагадвае, што за кіраванне транспартным сродкам у стане ап'янення або перадачу права кіравання нецвярозаму, а таксама адмова ад праходжання агляду кіроўца пазбаўляецца права кіравання ўсімі відамі транспартных сродкаў тэрмінам на 3 гады. Разам з тым, ён атрымлівае штраф у памеры ад 1350 да 2700 рублёў (ад 50 да 100 базавых велічынь). За паўторнае на працягу года кіраванне ў нецвярозым выглядзе ў дачыненні да вадзіцеля ўзбуджаецца крымінальная справа, а яго транспартны сродак канфіскуецца (у не залежнасці ад таго, каму яно належыць).
Паважаныя грамадзяне! Не заставайцеся абыякавымі, калі вы бачыце ці ведаеце, што транспартным сродкам кіруе кіроўца ў стане ап'янення, паведаміце па тэлефоне 102, можа быць гэты званок выратуе жыццё.
Даведка: з пачатку года супрацоўнікамі ДАІ Мiнскай вобласці выяўлена 1468 фактаў кіравання транспартным сродкам у нецвярозым стане. З іх 78 паўторна - у дачыненні да такіх кіроўцаў распачаты крымінальныя справы паводле ч. 1 арт. 317 - заўв. КК Рэспублікі Беларусь. За 5 месяцаў па віне нецвярозых кіроўцаў адбылося 37 ДТЗ, у якіх 8 чалавек загінула і 39 - атрымалі траўмы рознай ступені цяжкасці.