З клопатам аб бяспецы малой Радзімы!

У рамках рэспубліканскай акцыі "З клопатам аб бяспецы малой Радзімы", якая праходзіць з 8 чэрвеня па 31 ліпеня ў мэтах папярэджання ўзнікнення пажараў па прычыне неасцярожнага абыходжання з агнём і гібелі на іх асоб пенсійнага і сталага ўзросту, работнікі Салігорскага гаррайаддзела па надзвычайных сітуацыях праводзяць інфармацыйна-прапагандысцкую працу сярод вышэйпаказанай катэгорыі. Званкі і лісты "бяспекі", інфармаванне з дапамогай гучнай сувязі або непасрэдна падчас прыезду аўталавак - ратавальнікі задзейнічаюць разнастайныя формы і метады працы.

Аднак, не заўсёды грамадзяне свядома ставяцца да пытанняў бяспекі, што кажуць лічбы статыстыкі: па стане на 13.07.2020 года ў раёне адбылося 48 пажараў (у 2019 годзе - 47), на якіх загінула 4 чалавекі (у 2019 годзе – 2).

Так, у раёне існуе неабходнасць у дадатковым навучанні асновам бяспекі жыццядзейнасці асоб пенсійнага і сталага ўзросту.

Салігорскі ГРАНС нагадвае! Пажылыя людзі - група насельніцтва, бяспека якой больш за ўсё схільная рызыкам. У сувязі з фізічным, разумовым і эмацыйным станам, якія пагаршаюцца, яны губляюць пільнасць. Каб гарантаваць бяспеку пажылых людзей, трэба разумець, якія пагрозы іх чакаюць. Асноўнымі з іх з'яўляюцца:

1. невыкананне правілаў пры курэнні (паліць у жылым памяшканні вельмі небяспечна. Нельга паліць, пасля таго, як чалавек выпіў алкаголь, прыняў прэпараты, якія могуць выклікаць дрымотнасць або дэзарыентаваць);
2.  няўважлівасць падчас падрыхтоўкі ежы (выходзячы з кухні, пажылыя людзі могуць забываць, што ежа працягвае варыцца. На такі выпадак рэкамендавана браць з сабой чарпак, які будзе нагадваць аб уключанай пліце);
3. выкарыстанне няспраўных электрапрыбораў (не працуйце з абсталяваннем, адрамантаваным у стылі "цяп-ляп"; не ўключайце ў разетку больш аднаго электрапрыбора);
4. няспраўнасць пячнога ацяплення (адсутнасць прадтопачнага ліста, наяўнасць расколін у коміне, прымяненне лёгкаўзгаральных вадкасцяў пры распальванні печы);
5. захоўванне непатрэбных рэчаў (наяўнасць вялікай колькасці старых рэчаў, мэблі, адзення, кніг і папер абцяжарвае эвакуацыю пры ўзнікненні ўзгарання, а таксама можа стаць умовай, для хуткага распаўсюджвання пажару).

МНС заклікае вас тлумачыць гэтыя патрабаванні сваім блізкім! Тлумачыць ім асноўныя правілы пажарнай бяспекі і нагадваць, што ў выпадку надзвычайнай сітуацыі трэба неадкладна тэлефанаваць па тэлефоне 101 або 112! Беражыце сваіх родных!